SÁMI GRAND PRIX 2025
SÁMI GRAND PRIX 2025 DIEĐIHEAPMI LEA DÁL RÁHPPON! Áigemearri lea 25.11.24.
Sámi Grand Prix lea sámi stuorámus musihkkadáhpáhus gos jagis jahkái beassat gullat áibbas ođđa čállojuvvon sámi lávlagiid ja ođđa luđiid. Sámi Grand Prix 2025 lágiduvvo Báktehárjjis lávvordaga 12.04.2025 ja čájehuvvo njuolggosáddagis NRKs, SVTs ja YLEs.
SGP lea áiggiid čađa leamaš dehálaš lávdi juiggiide ja sámi arttistaide, ja nu leat ge mis ovdánan ja riegádan olu čeahpes násttit sápmái.
Olu sámi musihkka lea loktejuvvon SGP-lávddis, ja dat lea dál ain mielde hápmeme min sámi musihkkahistorjjá.
Sámi Grand Prixii sáhttá dieđihit ođđa čállojuvvon lávlaga mii lea ovtta min sámegielaide, dahje ođđa dahkkojuvvon luođi mii čuovvu muhtin min luohteárbevieruin. Lávlla dahje luohti ii galgga almmuhuvvon ovdal.
Son gii ovdanbuktá lávlaga/luođi lávddis ferte leat deavdán 16 jagi.
Deavdde skovi dahje sádde lávlaga dahje luođi e-boasta bokte: sgp@samieasterfestival.com
SÁMI GRAND PRIX 2024
Sámi Grand Prix 2024 juoiganoasi vuoiti lei Nils Ove Kuorak, njeallječalmmát luđiin.
Sámi Grand Prix lávlunoasi vuoiti lei Cecilia Dyrøy "bycecilia" lávlagiin Mannem åajaldahteme.
Sámi Grand Prix 2024 lágiduvvui njuolggosáddagin Báktehárjjis ja čájehuvvui NRKs, SVTs ja YLEs
