SÁMI GRAND PRIX 2024
Sámi Grand Prix 2024 dieđiheapmi lea dál rahppon
Áigemearri lea 01.12.2023.
Sámi Grand Prix lea sámi stuorámus musihkkadáhpáhus gos jagis jahkái beassat gullat áibbas ođđa čállojuvvon sámi lávlagiid ja ođđa luđiid.
Sámi Grand Prix 2024 lágiduvvo Báktehárjjis beassášlávvordaga njukčamánu 30.b ja čájehuvvo njuolggosáddagis NRK 1, NRK TV ja rádio bokte. Don sáhtát geahččat sáddaga ja jienastit vaikko gos.
Sámi Grand Prixii sáhttá dieđihit ođđa čállojuvvon lávlaga mii lea ovtta min sámegielaide, dahje ođđa dahkkojuvvon luođi mii čuovvu muhtin min luohteárbevieruin. Lávlla dahje luohti ii galgga almmuhuvvon ovdal.
Son gii ovdanbuktá lávlaga/luođi lávddis ferte leat deavdán 16 jagi.
Deavdde skovi vuolábealde dahje sádde lávlaga dahje luođi e-boasta bokte: sgp@samieasterfestival.com
