Sámi beassášfestivála 2020 šluhttejuvvo - Sámi Beassášmárkanat

Guovdageaidnu / Kautokeino

April 4th - 13th

2020

Ođđasat

Sámi beassášfestivála 2020 šluhttejuvvo

Álbmotdearvvašvuođainstituhta ávžžuhusa ahte šluhttet stuora doaluid, lea Guovdageainnu váldodoavttir mearridan ahte buot stuora lágideamit Guovdageainnus galget šluhttejuvvot. Dat mielddisbuktá ahte Sámi beassášfestivála lágideamit cuoŋománu 08. b. – 12. b. 2020 eai čadahuvo.

Festiválas lea ovddasvástádus leahket mielde eastadeame coronavirusa leavvama, ja dieđušge mii váldit vuhtii dan maid našunála ja báikkálaš dearvvašvuođaeiseválddit rávvejit. Eai artistat, guossit, eaktodáholaččat, bargit, iige oktage eará galgga dárbbašit buohccát Sámi beassášfestivála lágidemiid geažil.

Artistat ja bargit leat ožžon dieđu mearrádusa birra odne, dakka maŋŋel go mearrádus dahkkui. Šluhttenmearrádus váikkuha maiddái sidjiide geat vuvdet bálvalusaid festiválii ja diehtu sidjiide maid sáddejuvvo dađistaga, ja nu jođanit go vejolaš.

Mii áigut árvvoštallat lea go vejolaš lágidit Sámi Grand Prič 2020 eará áigodagas dán jagi, ja dieđihit eanet dan birra nu jođanit go diehtit movt dainna šadda.

Mii háliidit giitit gili álbmoga, eaktodáhtolaččaid geat ledje gergosat bargat, buot eará bargiid, ovttasbargoguimmiid ja gussiid ipmárdusa ovddas. Ja dan ovddas go lehpet mielde váikkuheame dasa ahte min festivála lea šaddame deháleamos arena sámi dáidagii, kultuvrii, árbevirolaš juoigamii ja ođđa sámi musihkii.

 

Bileahtaid ovddas máksojuvvo ruovttoluotta seamma sajes gos lea oston. Bileahtat mat leat oston.       máksojuvvojit ruovttoluotta automáhtalaččat guovtti vahku sisa. Bileahtat mat leat mákson goarttain (VISA, Mastercard jna.) máksojuvvojit ruovttoluotta seamma kontui. Bileahtaid ovddas mat leat mákson VIPPSn, Klarna ja Paypal máksojuvvojit ruovttoluotta seamma kontui.
FUOM! Servicedivvat ii máksojuvvo ruovttoluotta.

 

Doaibmaoasálaččat