Dieđihanáigemearri: Njukčamánu 19. beaivve 2024
Sáddes nama ja telefonnummara dán e-bostii: info@samieasterfestival.com
Fuomáš: ráddjejuvvon sajit
Guhkesbearjadaga lágidit mii juoiganbattle Báktehárjjis, gos vuoiti oačču rámi ja 5000,- norgga ruvnno! Jus don háliidat leat mielde, de sáhtát dieđihit e-boasta bokte, sáddes du nama ja telefonnummara. Mii deattuhit ahte leat ráddjejuvvon sajit, leage jođán dieđihit iežat jus háliidat searvat.
Juoiganbattle birra
Juoiganbattle lea gilvu mii lea inspirerejuvvon rapbattle-gilvvuin mat beaggigohte 80-logus. Juoiganbattle lea lágiduvvon moddii ovdal Márkomeanuin, Raasten Rastah ja Ubmejen Biejvieh festiválain. Dáid beassážiid beassat maid Guovdageainnus vásihit dan!
Gilvvus galget juoigit gilvalit ain ovtta ja ovtta juoigi vuostá, dassážii go vuoiti lea válljejuvvon. Osiin gilvvuin lea luohti musihka haga ja eará osiin ges leat čuojaheaddjit mielde. Geahččit leat hui dehálaččat danne go sii mearridit geat ain besset viidáseappot guđege vuorus. Mikkel Gaup lea juoiganbattle láidesteaddji.
Comments