OanehisČinu
Oanehisfilbmaprográmma sámi beassašmárkanin 2025
Bures boahtin OanehisČinui!
OanehisČinu lea áibbas ođđa lasáhus Sámi beassášfestiválii - okta eahket mii lea dárkkuhuvvon
sámi oanehisfilmmaide ja oanehisdokumentáraide. Dáppe oaččut vejolašvuođa vásihit gelddolaš
muitalusaid maid sámi filbmadahkkit leat muitalan, justa min iežamet báikkálaš servodaga
váimmus.
Geahččit sáhttet vuordit máŋggabealat prográmma mas leat filbmačájáhusat, ságastallamat
filbmadahkkiiguin ja somás kafea bottu áigge. Ležžet dal nuorra dahje boaris, filbmaberošteaddji
dahje sáhkkii, dá lea eahket man it hálit vajálduhttit!
Gos: Kulturviesus, Guovdageaidnu
Goas: 15. beaivve cuoŋománus 2025
● Kaféa ráhppá dii. 16:00
● Filbmačájalmasat álget dii. 17:00
● Filmmat čájehuvvojit guovttii oasis, main lea boddu gáskkas
● Loahppa sulli dii. 21:00
● Haddi: 150 ru rávisolbmot, 100 ru nuorat (vuollel 18 jagi)
Vuosttaš oassi - Nuoraide heivehuvvon
Sámi Čalbmeláset
Okta almmái gávdná čalbmelásiid. Go son bidjá daid ala, son lea
fáhkkestaga sámi máilmmis. Čájehuvvon NUFF´as Romssas.
Romsa / 2024 / Rešisseren: Eila Marie Engkvist Muotka / 3 min / Davvisámegiella &
dárogiella / Teaksta: eaŋgalasgiella / Komedija - Scifi
Oahpes Bahá
17-jahkásaš Elli Anne, Kárášjogas eret, sávaldagat ja niegut biddjojit
geahččalusa čađa. Oahpes Bahá guorahallá olggobeal govvideami
sámi kultuvrras ja siskabeal vásáhusa. Man guhkká nagoda Elli Anne
dorvvastit iežas niehkosápmái?
Kárášjohkka / 2025 / Rešisseren: Vegard Bjørsmo & Silje Burgin-Borch / 13 min /
Davvisámegiella / Teaksta: eaŋgalasgiella / Dráma
Áhčči
Giddagasas boahtá okta áhčči dieđiheami haga iežas bártni 9-jagi
beaivái. Erenoamážit dat eahpadábalaš riegádanbeaiveskeaŋka maid
son buktá, dagaha bártni áhku. Filbma vuittii gehččiidbálkkašumi
čakčat 2024 NUFF’as Romssas.
.
Ávži, Guovdageaidnu / Rešisseren: Johannes Vang / 6 min / Davvisámegiella &
dárogiella / Teaksta: dárogiella / Dráma
14-jáhkkasaš muohtacrossavuoddji
14-jahkásaš muohtarossvuoddji filmmas mii čuovvut
guovdageaidnulačča, Čan Martina, go bearraša ja báikkálaš servodaga
doarjagiin váldá badjelasas valáštallansuorggi hástalusaid. Dat lea
movttiidahtti muitalus nieguid čuovvoleamis, hehttehusaid vuoitit ja
bearašoktavuođa birra nuoraid valáštallamis. Álgočájálmas.
Guovdageaidnu / Rešisseren: Olena Hætta / 14min / Davvisámegillea & dárogiella /
Teaksta: dárogiella / Dokumentára
Boom Boom
Jáhkki 1944. Norga lea nazistaid okkupašuvnna vuolde. Guokte
sápmelačča veahkeheaba Norgga vuosttaldanlihkadusa
sabotášamiššuvnnas, muhto šalddi man soai galgaba spreŋget, várjala
almmái geas lea nazi-unifoarbma. Sápmelaš nazi-unifoarbmas.
Norga / 2024 / Rešisseren: Per-Josef Idivuoma / 18 min / Davvisámegiella, dárogiella
& eŋgelasgiella/ Teaksta: eaŋgalasgiella / Dráma
Nubbi oassi
![CovidSideEffects_Poster_100x70_LOWres[1039] - Mona Johanne Hoel.jpg](https://static.wixstatic.com/media/3fc741_9bb205a36889483cb8f952ad5e846889~mv2.jpg/v1/crop/x_0,y_94,w_2800,h_3813/fill/w_318,h_433,al_c,q_80,usm_0.66_1.00_0.01,enc_avif,quality_auto/CovidSideEffects_Poster_100x70_LOWres%5B1039%5D%20-%20Mona%20Johanne%20Hoel.jpg)
Covida buriid ja bahás beivviid
Garra njoammuneastadandoaibmabijut leat vuohki beassat eret heajos gaskavuođas gos liekkas lea guhká jávkan, rutiinnat leat váldán badjelasas ja ollu seksuála morrašat leat čoggon.
Čájehuvvon e.e. Maoriland’as ja Skábmagovat’as.
Norga / 2021 / Rešisseren: Sara Margrethe Oskal / 5 min / Davvisámegiella / Teaksta:
eaŋgalasgiella / Dráma
EADNI
EADNI muitala muitalusa mánnávuođamuittuid birra, ja eatni ja nieidda oktavuođa birra eatnamii. Háldi, meahcceealli, sáhttá
geasuhit mánáid meahccái, muhto oahpaha maid suodjalit dan. Čájehuvvon máŋgga filbmafestiválain.
Romsa / 2024 / Rešisseren: Eila Marie Engkvist Muotka / 3 min / Davvisámegiella /
Teaksta: eaŋgalasgiella / Fikšuvdna
Beaivvi nieida
Ánne oassalasta čállinkursas. Son deaivvada ovdagáttuiguin ja rasismain. Čállinbargu addá sutnje roahkkatvuođa buktit ovdan
váivves muittu. Čájehuvvon máŋgga filbmafestiválain riikkaidgaskasaččat ja vuittii buoremus oanehisfilmma D3 Biennale
des bewegten bilden’is.
Norga / 2021 / Rešisseren: Sara Margrethe Oskal / 5 min / Davvisámegiella &
dárogiella / Teaksta: eaŋgalasgiella / Dráma
Njuokčamat
Sámi nisu veagalváldojuvvo go lea fuolaheame iežas boazoealu. Su oabbá gii lea guhkkin eret dovdá ahte juoga lea boastut ja álgá ohcat su. Čájehuvvun máŋgga riikkaidgaskasaš filbmafestiválain ja lea vuoitán vihtta bálkkašumiid.
Norga / 2019 / Rešisseren: Marja Bål Nango / 15 min / Davvisámegiella / Teaksta:
eaŋgalasgiella / Dráma
Unborn Biru
Áhpehis leaskka ohcá veahki. Servodagas hilgojuvvon, son suoláda silbba jápmán olbmos vai beassá birget ja fuolahit nieiddas. Muhto
silba buktá nealgái mas leat váikkuhusat buohkaide. Čájehuvvon e.e.
Sundance’s ja TIFF’as, ja lea vuoitan Tromsøpalmen.
Guovdageaidnu / 2023 / Rešisseren: Inga Elin Marakatt / 19 min / Davvisámegiella /
Teaksta: eaŋgalasgiella / Bálddahusfilbma