HEARGEGILVOVUODJIMAT
JA NJOAROSTANGILVU
Heargegilvovuodjimat lea dološ beassášárbevierru mii lea mihá boarrasit go festivála. Dolin lávejedje sámit deaivvadit, ávvudit ja gávnnahit geas falimus heargi lea ovdal go johttájedje mearregáddái.
Dál beassat fas vásihit árbevirolaš heargegilvovuodjimiid márkanis eanu nalde.
ÁRBEVIROLAŠ HEARGEGILVOVUODJIN
Heargegilvovuodjimat lágiduvvojit fas nu go ovdal.
Sihke vuoddjit ja hearggit leat čiŋaduvvon, ja gilvvohallajuvvo reagain.
NJOAROSTANGILVU
Gilvovuodjimiid oktavuođas lágiduvvo maid njoarostangilvu. Leat go don dat buoremus suohpangiehta?
Šaddet ihán meassut ja okta beassášmárkaniid miellagiddevaččamus lágidemiin!
Dieđiheapmi Aslak Sokki bokte +47 951 21 998
Beassášlávvordaga 16.04.2022
Dii 11:00-15:00
Eanu nalde Gilišilju bokte
Govven: Niels Ovllá Oskal Dunfjell
