EAKTODÁHTOLAŠ
Searvva hábmet jagi deháleamos dáhpáhusa Guovdageainnus!
Eaktodáhtolaččat lea dehálaš oassi beassášmárkaniin. Sii han hábmejit festivála ja veahkehit čađahit lágidemiid nu njuovžilit ja buorren go vejolaš.
Go leat veahkkin, de oaččut nuvttá bileahta konsertii maid ieš válljet, ođđa olbmáid, somás bargovásáhusa, ja vel bovdehusa eaktodáhtolaččaid festtii.
Dieđit eaktodáhtolažžan nu jođánit go vejolaš, vai oaččut dan barggu maid háliidat.
Jus leat gažaldagat, váldde oktavuođa:
Bileahttavuovdin
Bileahttavuovdin lea movttegis festiválagussiid vuosttaš bisánanbáiki. Dáppe galgá buriin mielain veahkehit gussiid oastit bileahtaid ja lonuhit bileahtaid mat leat ovdagihtii ostojuvvon giehtabáddin. Dás lea vejolaš beassat dearvvahit ja humádit festiválagussiiguin!
Festiválakafea
Festiválakaféa lea stuoralávuin Gilišiljus. Doppe leat sihke eahkes ja beaivet doaimmat.
Festiválakafeas beasat guossohit borramuša ja juhkamuša olbmuide geat leat messostallame.
Bára (Badjel 18-jahkasaččaide)
Bárai mii dárbbahit olbmuid geat buoremielalaččat ja gierdevaččat vuvdet sohkárjuhkosiid ja vuollagiid gávttehasaide.
Go dáppe barggat de beasat návddašit dan buori festivála dovddu ja sámi buoremus artisttáid musihka.
Backstage
Dás mii dárbbašit olbmuid geat bearráigehččet ahte artisttáin, jietnaolbmuin ja dáiddáriin lea buorre dilli.
Dan botta go gáfe vuoššat ja šattuid cábat, de soaittát vel ollet oahpásmuvvát dovddus sámi artisttáiguin.
Arena
Festiválabáiki lea dán jagi eanaš olgun. Dat ferte hervejuvvot ja čorgestallajuvvot gussiid maŋis.
Dás dárbbašit du gii mielas veahkehat iešguđetge bargguiguin ja bearráigeahčat ahte buot lea sajis ja nu go galgá.
