Eaktodáhtolaš
Searvva hábmet jagi deháleamos dáhpáhusa Guovdageainnus!
Áiggut go leat okta dain deháleamos olbmuin Sámi Beassášmárkaniid čađaheamis? Leage mielde eaktodáhtolažžan!
Mii dárbbašit eaktodáhtolaččaid geat dahket ge Beassášmárkaniid nu buorren jagis jahkái! Dieđit eaktodáhtolažžan nu jođánit go vejolaš, vai oaččut dan barggu maid háliidat. Go leat veahkkin, de oaččut nuvttá bileahtaid, buori sámi musihka, borrámuša festiválas, ođđa olbmáid ja leat mielde eaktodáhtolaččaid feasttas vuosttaš beassášbeaivvi! Ihán somá!
Beassášmárkanat dárbbahit du veahki dáid doaimmaide:
Bileahttavuovdin
Bileahttavuovdin lea movttegis festiválagussiid vuosttaš bisánanbáiki. Dáppe galgá buriin mielain veahkehit gussiid lonuhit bileahtaid mat leat ovdagihtii ostojuvvon giehtabáddin dahje vuovdit festiválagiehtabáttiid. Dás lea vejolaš beassat dearvvahit ja humádit festiválagussiiguin! Mii dárbbahit bileahttavuvdiid beaivet ja ihkku.
Festiválakafea
Beassášmárkaniin galgá leat eallin sihke ihkku ja beaivet. Festiválakafeas beasat guossohit borramuša ja juhkamuša olbmuide geat leat fitnán duodjemárkaniin mat leat Báktehárjjii olggobeal. Dás lea buorre jus liikot váffeliid steiket ja buriin mielain vuoššat gáfe. Festiválakafeas leat beaivevávttat.
Bára ja bongavuovdin (Badjel 18-jahkasaččaide)
Báras lea ollesleahttu eahkediid ja ijáid. Dáppe mii dárbbahit olbmuid geat buoremielalaččat ja gierdevaččat vuvdet juhkánboŋáid, sohkárjuhkosiid ja vuollagiid gávttehasaide. Go dáppe barggat de beasat návddašit dan buori festivála dovddu ja sámi buoremus artisttáid musihka. Báras leat dušše idjavávttat.
Backstage
Dás mii dárbbašit olbmuid geat bearráigehččet ahte artisttáin, jietnaolbmáin ja dáiddáriin lea buorre dilli. Dan botta go gáfe vuoššat ja šattuid cábat, de soaittát vel ollet oahpásmuvvát dovddus sámi artisttáiguin. Backstages dárbbahit vehkiid sihke beaivet, eahkes ja ihkku.
Arena
Festiválavistti ferte maiddái hervejuvvot ja čorgestallajuvvot moivváris gussiid maŋis. Bearráigeahča ahte buot lea sajis ja nu go galgá dan vaste vai beassá fas rádjat daid maŋŋel. Arenas dárbbahit vehkiid sihke beaivet, eahkes ja ihkku.
Huksen/njeaidin
Jus eai livčče visttehoiddárat de livččii dievas moivi! Mii dárbbahit du gii háliidat loktestaddat festivála ovdal, vuolde ja/dahje maŋŋel. Festiválabáiki galgá ceggejuvvot ovdal go festivála álga ja njeidojuvvot fas go nohka. Beavddit, stuolut, bára ja muhtin lávut galget sadjái. Ja muhtin spihkkarat galget návlejuvvot. Huksemii dárbbahit olbmuid beaivet gaskavahkku ja skilleduorastaga beassášvahkku. Njeaidimii ges beaivet 1. beassášbeaivvi.
