SÁMI GRAND PRIX 2022
Sámi Grand Prix lea sámi stuorámus musihkkadáhpáhus gos jagis jahkái beassat gullat áibbas ođđa čállojuvvon sámi lávlagiid ja ođđa luđiid.
Sámi Grand Prix 2022 lágiduvvo Báktehárjjis beassášlávvordaga njuolggosáttan
NRK 1, NRK TV ja rádio bokte DII 19:50 (Norgga áigi)
Don sáhtát geahččat sáddaga ja jienastit vaikko gos, dahje searvat geahččin Báktehárjjis,
gos šaddá erenomáš šovva!
LÁVLUNOASSI 2022
Dát oassálastet Sámi Grand Prix 2022 lávlunoasis
JUOIGANOASSI 2022
Dát oassálastet Sámi Grand Prix 2022 juoiganoasis
LÁVLUNOASSI 2022
SOÁ
ÁIGGI MIELDE
SOÁ searvá lávlagiin «Áiggi Mielde».
Joavkkus leat vokalista Ellinor Skartland Deanus eret, ja čuojaheaddjit Andreas Gundersen ja David Cariano Timme.
Teavstta ja šuoŋa lea Andreas Gundersen dahkan.
ELIN AND THE WOODS
DÁT VUOVDI
Joavku Elin & the Woods leaba Elin Kåven ja Robin Lynch, ja soai leaba guktii gilvalan MGP:as. Elin Kåven lea maid vuoitán Sámi Grand Prix 2008.
Sunno lávlaga namma lea «Dát Vuovdi».
AILI
BAJIMUSAS (Rooftop)
AILI lea Kárášjohkalaš Aili Kathrine Wergeland Teigmo ja son lávlu «Bajimusas» (Rooftop).
Teavstta ja šuoŋa leaba Aili Kathrine Wergeland Teigmo ja Ilja Eriksson dahkan.
MIRJA PALO
HILLA
Mirja Palo lea Johkamohkis Ruoŧabeal Sámis eret.
Su lávlaga namma lea «Hilla».
Teavstta ja šuoŋa lea Mirja Palo ieš dahkan.
INGA MÁRET GAUP-JUUSO
DOVDAMEAHTTUMII
Ingá-Máret Gaup-Juuso lea suomabeal Sámis eret. Lávlaga namma lea «Dovdameahttumii».
Teavstta ja šuoŋa leat Ylva Persson, Linda Persson, Paul Dubrovsky ja Ingá-Máret Gaup-Juuso ráhkadan.
NATALIE CARRION
DAELVIEJÏJJIE
Natalie Carrion lea Upmis eret. Son lávlu vuohččan lullisámegillii, ja searvá lávlagiin «Daelviejïjjje».
Lávlaga lea Natalie Carrion ráhkadan ieš.
JUOIGANOASSI 2022
JOHAN ANDERS BÆR
PER HEIMLY
Johan Anders Bær juoigá olbmastis «Per Heimly/Heimly Piera». Son lea Kárášjogas eret ja lea máŋgii searvan ovdal.
Luođi lea ieš bidjan. Dajáhusaid lea Ellen Kristine Eira bidjan.
SARA ELVIRA KUHMUNEN
ČUVGGODIT
Sara Elvira Kuhmunen lea nuoramus oasseváldi juoiganoasis ja juoigá luođi Čuvggodit. Son searvá vuohččan Sámi Grand Prix gilvvuide.
Áilloš
Áilloš, dahje Iŋgor Ántte Áilu lea Guovdageainnus eret ja juoiggasta iežas boarraseamos áddjuba John Mathiasa.
JÖRGEN STENBERG
SKILGGET
Jörgen Stenberg lea Málágis (Malå), Ruoŧa bealde eret ja juoigá luođi Skilgget. Son lea máŋgii ovdal searvan Sámi Grand Prixii.
MÁHTTE ÁNTE J. SARA
SILDDA ÁLDU
Diimmá vuoiti Máhtte Ánte J. Sara juoiggasta iežas geasseorohaga, ja seammas gudnejahttá áldduid luđiin «Sildda áldu».
INGER MARIE NILUT
OLE MÁHTTE MAGGA
Inger Marie Nilut juoigá iežas vielja Ole Máhtte Magga. Son lea máŋgii ovdal searvan Sámi Grand Prix gilvvuide, sihke lávlun- ja juoiganoassái, ja maiddái vuoitán,
©2021 by Sámi musihkkafestivála.