SÁMI
BEASSÁŠMÁRKANAT
Beassášmárkanat lea dálvvi suohttaseamos ja čábbámus festiválavásáhus.
Boađe vásihit konsearttaid, olgodoaimmaid, heargegilvovuodjimiid, čájáhusaid, čájálmasaid, duodjemárkaniid, ja dieđusge Sámi Grand Prix 2026!
Beassážat láveje leat basit go sámit čoahkkanedje gillái messostallamiidda ovdal go johttájedje mearragáddái. Dalle ledje heajat, mánnágásttat, konfirmašuvnnat ja maiddái gilvovuodjimat.
Dađi mielde leat dát meassut sturron ja dál mis lea prográmma heivehuvvon bearrašiidda, nuoraide ja rávisolbmuide, sihke sámiide ja eará olbmuide.
Leat olgodáhpáhusat, márkanat, duodje-, govva- ja dáiddačájáhusat, teáhterat, heargegilvovuodjimat, skuhtercrossa, oaggungilvu, girkostallan, Sámi Grand Prix ja olu buorit konseartavásáhusat gos sihke árbevirolaš luohti ja ođđaáigásaš šuoŋat gullojit!
Sámi Beassášmárkanat Guovdageainnus festivála lágiduvvo jáhkkasaččát beassášvahkku. Guovdageaidnu lea sieiva sámi gilli gos sámegiella ja kultuvra eallá lunddolaččat olles servvodagas. Dat lea Norgga stuorámus suohkan areála dáfus ja dáppe leat olu vejolašvuođat vásihit sihke luonddu ja birrasa, earenomáš dáhpáhusaid ja dieđušge kulturvásáhusaid maid it gávnna gostege eará sajes máilmmis.
