Kautokeino / Guovdageaidnu

08. - 17. april 2017

FORSIDE

PROGRAM

BILLETTER

INFO

FRIVILLIG

SAMI GRAND PRIX 2017

 

BeassášlávvordaGa cuoŋománu 15.b

Báktehárji / 18:00 / 150 KR /300 kr / VIP 600 kr / OASTTE

Sámi Grand Prix lágiduvvo 27. geardde dán jagi. Dan oktavuođas mii gullat sihke ovdalaš ja ođđa juigiid ja artisttaid gilvaleame iežaset ođđa ráhkaduvvon luđiiguin ja lávlagiiguin lávddis Báktehárjjis. Šovva lea Sámi stuorámus mas gullat erenoamážit diŋgojuvvon álgo- ja boddoguoimmuhemiid ja vel gii oažžu Áillohačča musihkkabálkášumi dán jagi.

 

Buot oasseváldit Sámi Grand Prix:as 2017 almmuhuvvojit dás!

 

Sámi Grand Prix:as lávddis leat muhtimat Sámi stuorámus juigiin ja artisttain leamaš. Sihke vuoitit ja eará oasseváldit leat buvttahan čáppa ja bivnnuhis luđiid ja lávlagiid mat áigá juo leat šaddan klassihkkárin sámi musihkkahistorjjás.

 

Mii bovdet guldaleddjiid ja gehččiid Sámi stuorámus musihkkadáhpáhussii ja illudit oaidnit buot juigiid ja artisttaid Sámi Grand Prix 2017 lávddis ja sávvat sidjiide buori lihku bargguin dassážii go lávkejit min lávddi ala! Sámi Grand Prix 2017 sáhttá oaidnit interneahtas njuolggosáttan miehtá máilmmi.

VUOITTUT JUOIGAN- JA LÁVLUNOASIS

1. sadji NOK 20 000

2. sadji NOK 7 500

3. sadji NOK 3 000

 

 

SGP 2017 juoigan- ja lávlunoasi vuoiti bovdejuvvo searvat SGP:s 2018 vuoitibealušteaddjin ja oažžu maiddái 50 000 NOK árvosaš bargostipeandda, man sáhttá atnit viidáseappot bargat luđiin ja/dahje lávlagiin ja doallat konseartta Sámi beassášfestivála 2018 oktavuođas 

SGP 2017 lávlunoasi oasseváldit ovdanbuktet iežaset lávlagiid SGP-musihkkajoavkkuin mas leat mielde Stein Austrud (keys, kapellameašttir), Jan Ole Kristensen (gittára), Svein Schultz (bassa) ja Thomas Gallatin (rumbbut).

DÁT GUSTOJIT SGP 2017:S

• Luođit mat leat mielde SGP juoiganoasis galget juigojuvvot árbevirolaš vuogi mielde musihkka haga.

 

• Lávlagat galget ovdanbuktot SGP musihkkajoavkkuin. Artista ja SGP musihkkajoavku heivehit, lágidit ja buvttadit lávlaga beassášvahku. SGP oasseváldit fertejit leat Guovdageainnus álggus beassášvahku.

 

• SMF máksá mátkki, boradeami ja orruma ovddas jus lea dárbbašlaš.

 

• Jus artista háliida oassálastit iežas musihkkajoavkkuin, de lea nu vejolaš, muhto SMF ii mávsse liigemávssuid dan ovddas dan oktavuođas.

 

• Ahkemearri beassat searvat 16 jagi goappaš osiin.

 

• Lávlagat lávlunoasis galget leat sámegillii.

 

• Luođit ja lávlagat eai galgga leat almmuhuvvon ovdal.

 

• SGP lávlunoasis lea vejolaš atnit vokal-samples, muhto váldolávlun galgá leat njuolga SGP lávddis.

 

• Jus SGP 2017 juoigan- ja lávlunoasi vuoitit sáddeba luođi ja lávlaga SGP 2018:i, de lea luohti ja lávlla automáhtalaččat mielde vuoitibealušteaddjin.  

 

 

• SGP 2017 báddejuvvo CD ja digitála buvttadeami várás.