Guovdageaidnu / Kautokeino

13. - 22. april 2019

FORSIDE

PROGRAM

BILLETTER

INFO

FRIVILLIG

Sami Grand Prix lágiduvvo 30. geardde dán jagi ja mii beassat gullát ja oaidnit sihke ođđa ja boares juigiid ja artisttaid lávddenalde geat gilvalit áibbas ođđa luđiiguin ja lávlagiiguin. Lávddis leat mii beassan gullat muhtin sámi stuorámus artisttain ja mii leat ožžon hittaid dievva mat juo áigá leat šaddan klassihkkarat sámi musihkkahistorjjás.

 

Mii bovdet gehččiid sámi stuorámus musihkkadáhpáhussii, gos maid juhkkojuvvo Áillohaš musihkkabálkkášupmi, ja illudit oaidnit buot juigiid ja artisttaid Sami Grand Prix 2019 lávddis.

SÁMI GRAND PRIX 2019

 

Beassášlávvordat cuoŋománu 20.b / Báktehárji / 18:00 / 150/300 kr / OASTTE

Mii leat rámis almmuhit dán jagaš Sámi Grand Prix oasseváldiid lávlunoasis ja juoiganoasis! Oallugat ledje sádden sisa olu buriid lávlagiid ja luđiid miehta sámi. Oasseváldit dán jagi leat eret oarjánsámis gitta nuorttimus sámis ja mii boahtit beassat gullat sihke luođi, livđe ja le’udd ja oarján-, julev, davvi, anárlaš, skoalta- ja gildinsámegiela lávddenalde Báktehárjjis Guovdageainnuis beassášlávvordaga

DÁN JAGÁŠ OASSEVÁLDIT

LÁVLUNOASSI

Anna Lumikivi - Mõõn tiõrvân

Šuoknja ja sánit: Anna Lumikivi

 

Anna Lumikivi lea Avvilis eret ja lea olu bargan dološ le’udd lávddenalde leamaš ja earet eará Suõmmkar joavkkuin. Iežas dahkkon lávlagiid lea dál vuosttaš geardde mielde Sámi Grand Prix’as.

SUNNA MÁRET UTSI - AMAS GEAIDNU

Šuoknja ja sánit: Sunna Máret Utsi

 

Sunna lea Guovdageainnus eret ja lea mielde iežas dahkkon lávlagiin. Mii leat oaidnán su lávddenalde musihkainis maŋemus áiggiid ja fas illudit oaidnit su SGP lávddis.

EIRA - EALLIN LEA DÁL

Šuoknja ja sánit: Anne I Lilleng

 

EiRA joavku boahtá Ráissas ja leaba 3-Niga Anne Inger ja Maret.

KALLE URHEIM - DON BESSET JOĐÁŠIT

Šuoknja: Kalle Urheim ja Emil Bekkevoll

Sánit: Kalle Urheim

 

Kalle lea julevsámi guovllus Strávnjunnjes eret ja lea ovdal oasálasttán Sámi Grand Prixas. Son sihke čállá ja lávlu julevsámegillii ja lea almmuhan Ruodju albuma 2016is. Dál lea mielde lávlagiid mielde masa leaba Emil Bekkevoll’ain dahkan šuoŋa ja masa ieš lea čállán sániid.

MARINA GRINCHUK - vijde ja munn puerne

Šuoknja: Igor Telishev

Sánit: Alena Sidorenko

 

Marina lea Lujávrres eret ja lávlu gildinsámegillii lávlaga maid Alena Sidorenko lea čállán ja masa Igor Telishev lea dahkan šuoŋa.

SAARA HERMANSSON - MOV LAAVLOME

Šuoknja ja sánit: Saara Hermansson

 

Saara oasálasttii vuosttaš geardde diibmá ja dál lea oarjánsámi nieida Stornäs ja Klimpfjell guovllus nuppes mielde lávlagiin maid ieš lea dahkan.

JUOIGANOASSI

NILS PEDER GAUP - ELLE GÁRENA LUOHTI

Luohti ja dajahusat: Nils Peder Gaup

 

Iŋgor Ántte Nils Pedar Guovdageainnus eret lea fas mielde ja lea sihke luohtedahkki ja dajahalli luođis.

Hanna-Maaria Kiprianoff – FeklaMäärjäz

Luohti ja dajahusat: Hanna-Maaria Kiprianoff

 

Hanna-Maari lea Čeavetjávrris eret ja le’udd lea dan birra mot máttut ellet min luhtte vaikko máilbmi rievdá.

MATHIS A. OSKAL - ANNA CHRISTINA

Luohti ja dajahusat: Mathis A. Oskal

 

Máhte Ánte Máhtte Heammogiettis, Guovdageainnus eret lea olu leamaš mielde SGPas ja dán jagi oasálastá iežas biddjon luđiin.

MIKKEL PER SARA - TONE

Luohti ja dajahusat: Mikkel Per Sara

 

Máját Niillas Niillasa ja Joavn-Elle Mihkkal Biera Mázes eret orru Borkenesas ja boahtá Guovdageidnui iežas dahkkon luđiin Giehtavuona nisu birra.

Anfisa Agejeva ja Domna Khomjuk - VUESS

Luohti ja dajahusat: Arbevirolaš ja Anfisa Agejeva ja Domna Khomjuk

 

Zaharov-oappážagat Anfisa ja Domna Lujávrris eret leu’ddeba fárrolaga iežaska guovllu leu’dd Vuess masa leaba bidjan dajahusaid.

KIM HALLGEIR BERG - john heandarat

Luohti ja dajahusat: Kin Hallgeir Berg

 

Kim Hallgeir, dahje Hálgon Kárašjogas eret lea máŋgii maid leamaš mielde SGPas ja dál searvá iežas ristbárddni luđiin.

PER HENRIK EIRA - PIERA JOAVNNA

Luohti ja dajahusat: Per Henrik Eira

 

Hánske Niillasa Pier’ Heandarat Mázes eret oasálastá iežas dahkkon luđiin.

HELI AIKIO - LYEMEÁKKU

Luohti ja dajahusat: Heli Aikio

 

Anárlaš Piätárii Kaabi Isá Ooni Heli oasálastá livđiin maid ieš lea bidjan.

HANS OLE EIRA - LAILA KRISTINE

Luohti ja dajahusat: Hans Ole Eira

 

Diimmá vuoiti Hánske Niillasa Hans Ole Mázes eret oastalastá dán jagi Laila Kristine luđiin maid ieš lea bidjan.

PER BUENG - PER HELGE

Luohti ja dajahusat: Per Bueng

 

Per Bueng Gárggoluobbalis eret lea ristbárdnásis bidjan luođi.