Guovdageaidnu

njukč. 24. - cuoŋ. 02. 2018

ÁLGOSIIDU

PROGRÁMMA

BILLEAHTAT

DIEĐUT

EAKTODÁHTOLAŠ

Juohke jagi leat ollu eaktodáhtolaččat mielde dahkáme jagi stuorámus ja deháleamos vahkku Guovdageainnus. Aiggut go leahkit okta dain deháleamos olbmuin Sámi beassášmárkaniid čađaheamis? Boađe mielde eaktodáhtolažžan!

 

Mii dárbbahit eaktodáhtolaččaid geat leatge dat geat dahket beassážiid lihka buorren jagis jahkkái. Mađi jođáneappo dieđihat eaktodáhtolažžan, dađi jođáneappo oaččut dan barggu maid justte don háliidat. Das ieš diinet: ođđá olbmáid, buori sámi musihká, nuvttá billeahtaid Báktehárjái, borráma festiválas ja dan buot dehálepmosa, eaktodáhtolaččáid feastta vuosttaš beassášbeaivvi.

 

ÁIGGUT GO BARGAT EAKTODÁHTOLAŽŽAN BEASSÁŠMÁRKANIIN?

MAINNA SÁHTÁT BARGAT?

Sámi musihkkafestiválas lea produkšuvdnajoavku geat dárbbahit du veahki. Sii mieđuštit eaktodáhtolaččáid festiválas ja láhčet buori dili dutnje vai loavttát eaktodáhtolažžan beassášmárkaniin.

 

Mii dárbbahit eaktodáhtolaččáid dáidda doaimmaide:

 

Festiválakafea

 

Lea áibbas kula go mis lea festiválakafea Báktehárjjis duorastagas lávvordahkii! Kafeas leat don mielde dahkame festivála ealasin sidjiide geat márkanasttet beaivet. Kafeas lea somá leahkit jus dus leat liekkus dovddut váffelaváimmuide ja gáffii, ja dieđát mot kássasystema doaibmá ja vaikko vel iZettle. Muđui lea buorre jus don leat moddjái, olmmošlaš ja čorgat. Dás leat sihke beaive ja idjávávttat.

 

Bára ja boŋgavuovdin

 

Báras lea ollesleahttu eahkediid ja ijáid. Dáppe mii dárbbahit olbmuid geat leat boarraset go 18 jagi, geat leat buoremielalaččát ja girdevaččát, gii lea jođán ja njuovžil vuovdit juhkánboŋgáid, sohkárjuhkosa ja vuollagiid gávttehasaide. Eaktodáhtolažžan báras leat don sosiála seammas go beasat navddašit buori sámi musihká.

 

Billeahttavuovdin

 

Olbmuide fertejit billeahtat! Mii dárbbahit billeahttavuvdiid Báktehárjái. Lea buorre jus lea českkes moddji, veahkkái ja máhtát vehá kássasystema, ja liikot olbmuide ja liikot vuordinráiddu oanidit. Mii oahpahit du iZettle'in.

 

Viessu ja huksen/gaikun

 

Jus eai livčči leamaš viessohoiddárat de livččii dievas moivi festiválaviesus. Mii dárbbahit du gii hálidat loktestaddat ja hommedit festivála ovdal, vuolde ja maŋŋel.

Festiválabáiki galgá ceggejuvvot ovdal ja njeidojuvvot fas maŋŋel. Soaittát vel deaivat spihkkára? De lea dá rievttes báiki dutnje. Cokka buriid gápmagiid ja buvssaid main bahtaskoarri oidno buoremusat go dás šadda lovttohallan ja guoddin maid.

Mii dárbbahit maiddái čorgadis olbmuid mat sáhttet hervet festiválabáikki, čorgestallat moivvaris gussiid maŋis, bearráigeahččat ahte buot laŋáin lea mii dárbbahuvvo ja láhčat bevddiid ja stuoluid dan vaste vai beasat fas deid rádjat..

 

Backstage

 

Dás mii dárbbahit olbmuid geat sáhttet bearráigeahččat ahte artisttáiguin, jietnaolbmáin ja eará dáiddáriin ja fiinnohalliin lea buorre dilli beassášmárkaniin. Dáppe lea gáfevuoššan, biebmoguossoheapmi ja čorgen dehálaš seammas go beasat oahpásmuvvát sámi čeahpimus artisttáiguin. Dás sáhttet leahkit beaive-, eahket- ja idjávávttat.

 

Vuoddji

 

Leago dus vuodjingoarta? Ammal dus lea biila maid? Dás mii dárbbahit soapmasa gii liiko luvdet báikkis báikái ja sáhttá doaibmat čanastahkan guđetge báikkiide gilis ja soaitá okta dahje guokte guhkesmátki. Dás soaittat oažžut bargun vuojehit artisttaid, bargiid ja iešguđet rusttegiid. Vuodjin lea eanaš beaivet/eahkes ja ii nu olu ijáid.

DIEĐIT EAKTODÁHTOLAŽŽAN DÁS

EAVTTUT JA

OVDAMUNIT

Go sáddet dán skovi de leat dohkkehan bargat eaktodáhtolažžan Sámi musihkkafestiválas deguin ovddasvástádusaiguin ja rivtiiguin maid dat mielddisbuktá. Šiehtadus gusto festiválačađaheami áigodaga njukčamánu 26.b - cuoŋománu 2.b 2018.

 

Dohkkeaheamis dán eaktodáhtolašbarggu de gusttojit čuovvovaš eavttut mutnje:

- Sámi musihkkafestivála bidja bargoáiggi mutnje.

- Mun ferten bargat unnimusttá 6 diimmu.

- Mun boađán bargui áiggil ja čielggusin.

- Mun geavahan suodjalanrusttegit go daidda lea dárbu.

- Mun lohpidan dieđihit eaktodáhtolašovddasvástideaddjái jus in sáhte boahtit buozalmasvuođa geažil dahje man nu eará sivas.

 

Dáid eavttuid rihkkun sáhttá mielddisbuktit ahte billeahtta váldo eret dus ja ahte šattát dan ovddas máksit oasi dahje ollásit.

 

Sámi musihkkafestivála lohppádus lea ahte:

- Láhčat buori dili dutnje eaktodáhtolažžan go leat barggus.

- Dus lea lihkohisvuođadáhkádus.

- Dutnje galgá okta nuvttábilleahtta maid ieš váljjet (muhto iifal festiválapássa iige Sámi Grand Prix VIP billeahta).

- Oaččun biepmu ja juhkámuša go lean barggus.

- Bovdet du eaktodáhtolašfestii ja maiddái addit dutnje nuvttábilleahta Ánnásuolu konsertii Thonas cuoŋománu 1.b.

 

Mii leat hirbmat giitevaččat go háliidat leahkit mielde eaktodáhtolažžan ja mii illudit duinna ovttasbargat sámi kulamus beassášfestiválas!